заст     20 мая ў бібліятэцы імя Ул. Караткевіча члены гуртка «Бусляня» сабраліся ў чарговы раз на ўрок народнага майстэрства «Пеўнік, галубок, разумны лабок». Валанцёр Анжэліка Вішнеўская расказала, што вобраз пеўня шырока прадстаўлены ў літаратуры - байкі І.А. Крылова, казкі А. С. Пушкіна і ў фальклоры – народных творах, дзе ён бывае слабым, легкадумным і самаўпэўненым (казка «Ліса і певень»), і, наадварот, – мудрацом, дарадчыкам, памочнікам сябрам, бясстрашным і станоўчым героем (казка «Зайкава хатка»).

     Дзецям прывялі прыклады прымавак і прыказак, дзе певень таксама розны - забіяцкі, дзёрзкі, заўсёды гатовы ў бой і звярнулі ўвагу, што выявы пеўня ў якасці абярэга часта сустракаюцца на канцах ручнікоў, на падолах кашуль, сукенак і па народных прыкметах флюгер на даху ў выглядзе пеўня абараняе дом ад пажараў і крадзяжу. А потым дзеці прыступілі да вырабу пеўня з рознакаляровых лапікаў тканіны, нітак і стужак - лялька–пеўнік на палачцы атрымалася яркай па выгляду і забіяцкай па характару.1