18 мая ў бібліятэцы імя Ул. Караткевіча для вучняў 4 «А» класа СШ №11 прайшла краязнаўчая гадзіна «Віцебск: гады вайны і аднаўлення». Дзецям расказалі пра пачатак вайны, гады акупацыі, пра Віцебска-Аршанскую аперацыю, у ходзе якой і быў вызвалены наш родны горад. Асобная старонка мерапрыемства была прысвечана тэме «Аднаўленне Віцебска ў пасляваенныя гады».

     Дзеці даведаліся пра работы, якія праводзіліся па размініраванню будынкаў, вуліц, дарог, па наладжванню парадка ў горадзе, ахове аб'ектаў, пра прадпрыемствы і сацыяльныя аб'екты, якія былі запушчаны ў першую чаргу, пра катэгорыі працаздольнага насельніцтва горада, якія ўдзельнічалі ў гэтым аднаўленчым працэсе.
     Вучняў таксама пазнаёмілі з творчасцю віцебскага паэта Давіда Сімановіча, паказалі фільм, зняты па яго паэме «Маладосць старажытнага Віцебска: памяць мірных і вогненных гадоў».