17 верасня ў Дзень народнага адзінства ў бібліятэцы імя Ул. Караткевіча свята падвядзення вынікаў праграмы летняга чытання прайшло ў форме гульні «Я люблю Беларусь!», у якой бралі ўдзел вучні 3 «Б» класа гімназіі №3 імя А.С. Пушкіна.

     Дзецям прапанавалі выказаць свае меркаванні пра тое, як кожны з іх разумее слова «адзінства», а потым прыняць удзел у пазнавальных конкурсах і цікавых гульнях: «Мая краіна», «Жыццё знакамітых людзей», «Дзень нараджэння», «Кола фартуны». Удзельнікі падзяліліся на дзве каманды «Светлячок» і «Крынічка», адказвалі на пытанні, за правільны адказ атрымоўвалі жаданыя балы. Гульня «Дзень нараджэння» развесяліла і падняла настрой, а гульня «Кола фартуны» паказала, каго найбольш любіць гаспадыня Удача. Адрыў па балах адной каманды ад другой аказаўся невялікі і было вырашана ў Дзень народнага адзінства аб'яднаць каманды і балы і атрымалася агульная перамога ўсяго класа. Напрыканцы мерапрыемства дзяцей чакаў яшчэ адзін урачысты момант – узнагароджванне пераможцаў праграмы летняга чытання. Класныя кнігачэі атрымалі дыпломы і флажкі з надпісам «Квітней, Беларусь».