Тэматыку зімовых свят працягвае і бібліятэка імя Ул.Караткевіча, у якой 14 студзеня адкрылася выстава малюнкаў навучэнцаў ДУА «Віцебскі гарадскі цэнтр дадатковай адукацыі дзяцей і моладзі», прысвечаная зімовым святам. 22 студзеня для вучняў 2-х класаў ДУА «Сярэдняя школа №11» прайшла экскурсія па выставе і гутарка па ёй.

     Дзеці з цікавасцю разглядвалі малюнкі і спрабавалі сваімі словамі апісаць убачанае. Бібліятэкар расказала вучням казачныя гісторыі: Канстанціна Ушынскага «Праказы старой зімы», Антаніны Лук'янавай «Чаму снег белы?», Андрэя Усачова «Іван Пятушкоў: Навагодняя елка», ілюстрацыямі да якіх маглі стаць некаторыя з выстаўленых творчых работ. Дзеці ўспомнілі шмат чароўных гісторый, героямі якіх з'яўляюцца Дзед Мароз і Снягурка, Снежная баба, анел і, вядома, навагодняя прыгажуня – елка.