20 студзеня гасцямі бібліятэкі імя Ул.Караткевіча сталі настаўнікі працоўнага навучання Віцебскай вобласці – наведвальнікі курсаў павышэння кваліфікацыі устаноў адукацыі ДУДАД «Віцебскага абласнога інстытута развіцця адукацыі».

     Для іх правялі экскурсію па бібліятэцы, звяртаючы ўвагу на афармленне памяшканняў, на выставы работ дэкаратыўна-прыкладнога мастацтва «Творить и не уставать!» навучэнцаў ДУА «Віцебскі гарадскі цэнтр дадатковай адукацыі дзяцей і моладзі» і «Наши руки не для скуки» членаў Віцебскай гарадской арганізацыі грамадскага аб'яднання «Беларускае таварыства інвалідаў».
     Настаўнікам расказалі пра работу гуртка «Бусляня», а таксама пра творчыя работы, падрыхтаваныя рукамі бібліятэкараў да гарадскога конкурса «Калядная зорка» і абласнога конкурса «Лепшая рукапісная кніга». Пры дапамозе мультымедыйнай прэзентацыі слухачы курсаў пазнаёміліся з дзейнасцю бібліятэкі па стварэнню дапаможнага матэрыяла да мерапрыемстваў, а таксама па афармленню дэкарацый да спектакляў і касцюмаў для «артыстаў».
     Для прысутных была падрыхтавана разгорнутая выстава «Вясёлкавыя фарбы творчасці», на якой былі прадстаўлены кнігі і матэрыялы з перыядычнага друку па дэкаратыўна-прыкладному мастацтву, а таксама атрыбуціка некаторых масавых мерапрыемстваў.