20 сакавіка ў бібліятэцы імя Ул. Караткевіча прайшоў урок экалагічнай пісьменнасці "Мы ўсе ў адказе за нашу планету", прымеркаваны да акцыі "Гадзіна Зямлі". У ім прынялі ўдзел навучэнцы 5 "А"класа ДУА "Сярэдняя школа №11г. Віцебска".

Вучням расказалі, дзе і калі адбылася ўпершыню акцыя, як яна праходзіць у розных краінах свету, нагадалі пра экалагічныя праблемы, якія сёння хвалююць людзей: празмерная эксплуатацыя і забруджванне глебы, забруджванне вады, вырубка лясоў, павялічэнне ў атмасферы канцэнтрацыі ўгарных газаў. Асноўная частка занятку была адведзена знаёмству з інфармацыяй пра неабходнасць ўвядзення безадходных тэхналогій у прамысловасці і рацыянальнае выкарыстанне прыродных рэсурсаў, а таксама пра тое, што можа зрабіць кожны, каб наша планета была чыстай, бяспечнай і прыгожай.