Выстава аўтарскай лялькі Анжалікі Вішнеўскай «Приходи на меня посмотреть» праходзіць з 3  кастрычніка ў бібліятэцы імя У. Караткевіча.

    На выставе можна ўбачыць літаратурных персанажаў: Бабу Ягу, Папялушку, Наташу Растову; ляльку, якая ўвасабляе сабой нашу раку Заходнюю Дзвіну; ляльку з каромыслам Дуняшу, ляльку з самаварам, ляльку на чайнік Мар'юшку, лялькі-матрошкі, лялькі, у вырабе якіх выкарыстаны матывы вядомых народных промыслаў гжэль і дымкаўская цацка. Кожны экспанат вабіць гледача не толькі сваёй прыгажосцю, рознакаляровымі ўборамі, вытанчанай прычоскай, але і цеплынёй умелых рук майстра, жаданнем запаліць іскру творчасці і фантазіі ў дзіцячым сэрцы. На выставе таксама прадстаўлены дыпломы і граматы Анжалікі Вішнеўскай, якая з'яўляецца лаўрэатам шматлікіх міжнародных, усерасійскіх, гарадскіх конкурсаў, міжрэгіанальных, праваслаўных фестываляў народнай і аўтарскай лялькі.