24 студзеня ў фальклорнае падарожжа «Ехаў бай па сцяне» выправіліся выхаванцы дзіцячага садка №105 разам з супрацоўнікамі бібліятэкі імя Е. Лось.

   З далёкіх часоў нашы продкі пакланяліся міфічным багам, духам лесу, поля, агню і іншым сілам прыроды. Усё жыццё беларусаў калісьці было ахутана рознымі істотамі, якія суправаджалі чалавека амаль паўсюды. Людзі верылі ў прыкметы, задабрывалі багоў і духаў зернем, мёдам.
   Пярун, Велес, Зюзя, Цмок, Цёця – толькі невялікая частка багоў, якіх шанавалі продкі. Не менш значнымі былі і іншыя міфічныя істоты, такія як валасень, ёўнік, агнявік, дамавік, пячурнік. Беларуская міфалогія вельмі багатая на гэтыя вобразы. Пра ўсё гэта даведаліся маленькія падарожнікі. А яшчэ дзеці разгадвалі загадкі пра казачных героеў, слухалі вершы. Усім спадабалася рухомая гульня «Ішоў па сцежцы лесавік».