20 сакавіка, напярэдадні Сусветнага дня паэзіі, ў цэнтральнай бібліятэцы імя М. Горкага адбылася ўрачыстая цырымонія ўзнагароджання прэміяй Віцебскага аблвыканкама «Літаратурная прэмія імя Петруся Броўкі».
Лаўрэатамі прэміі за 2014 год сталі:
у намінацыі «Проза» Барыс Паўлавіч Беляжэнка (кнігі "Круги земные" і "Дарога Бачэйкава-Бешанковічы");
у намінацыі «Паэзія» Мікалай Уладзіміравіч Намеснікаў (кнігі «Листопад исповедальный» і «Время яблок»);
у намінацыі «Літаратура для дзяцей» Святлана Уладзіміраўна Гук (Дзядзінкіна) (кнігі "Бабраня на Бузянцы" і "Юшка Вялеса").
Прэміі ўручыла намеснік начальніка галоўнага ўпраўлення ідэалагічнай работы, культуры і па справах моладзі Віцебскага аблвыканкама Ларыса Канстанцінаўна Аленская. Са словамі прывітання да лаўрэатаў звярнулася старшыня Віцебскага абласнога аддзялення ГА «Саюз пісьменнікаў Беларусі» - Т. І. Краснова-Гусачэнка. На завяршэнне цырымоніі адбыўся невялікі канцэрт народнага ансамбля "Кантраст" школы мастацтваў № 4 (мастацкі кіраўнік А. Мезенцава).