Централизованная библиотечная система города Витебска

     Выстава скульптуры малых формаў Людмілы Шэршань «Чароўны дом, дзівосны сад» Віцебскай гарадской арганізацыі ГА «Беларускае таварыства інвалідаў» праходзіць з 4 студзеня ў бібліятэцы імя Ул.Караткевіча.

     Пры стварэнні работы выкарыстоўваліся розныя матэрыялы: гіпс, фанера, бісер, экаскура і інш. Таленавіты майстр запрашае ўсіх жадаючых адпачнуць душой у цудоўным куточку, у цэнтры якога красуецца ўтульны дом з заўсёды адкрытымі дзвярыма, а вакол – сад, дзе цвітуць кветкі, чырванеюць і наліваюцца сокам яблыкі, палыхаюць аранжавым полымем гронкі рабіны, дзе можна наталіць смагу чыстай сцюдзёнай вадой з калодзежа, пагушкацца на каляровых арэлях, пасядзець у засені бярозы і памарыць аб такім уласным прыгожым маёнтку, дзе жыве дабрыня і простае чалавечае шчасце.

     Побач размешчаны кнігі, якія прапануюць вам цікавыя праекты унутранага ўбранства дома, ландшафтнага дызайна, а таксама кнігі і часопісы па рабоце з бісерам. Запрашаем наведаць выставу і жадаем прыемнага прагляду.