Гадзіна анціэкстрыму «Калі ты адзін у лесе» прайшла 15 ліпеня ў бібліятэцы імя Ул.Караткевіча для наведвальнікаў летняга лагера СШ №28.

     Бібліятэкар расказаў пра спосабы выжывання і выратавання, якімі трэба карыстацца тым, хто заблудзіўся ў лесе. Падлеткі даведаліся якія рэчы і прадметы неабходна браць з сабой у лес, як сарыентавацца на мясцовасці, якія прыкметы ўказваюць на блізкасць населеных пунктаў, рэк і дарог, як выбіраць месца для вогнішча, каб яно не стала прычынай пажару, дзе хавацца ў час навальніцы, а, галоўнае, – не панікаваць, берагчы сілы, якія патрэбны чалавеку для таго, каб пратрымацца, пакуль яго знойдуць.

    Таксама ім расказалі пра ядавітыя грыбы і ягады, якія можна сустрэць у нашых лясах і запрасілі прыняць удзел у гульні «Папярэджваючыя і забараняючыя экалагічныя знакі».