Централизованная библиотечная система города Витебска

     У бібліятэцы імя Ул.Караткевіча 6 ліпеня прайшоў урок мужнасці. Падлеткам з летняга лагера СШ №31 расказалі пра найбуйнейшыя на акупаванай нямецка-фашысцкімі захопнікамі тэрыторыі Беларусі нацыскія «фабрыкі смерці».

     Слухачы даведаліся пра шматмесячныя пакуты, катаванні, растрэлы і страшную гібель выхаванцаў Крынкаўскага дзіцячага дома, ператворанага ў сапраўдны дзіцячы канцлагер, мірнага насельніцтва ў Азарычскім лагеры смерці, савецкіх ваеннапалонных у Масюкоўшчыне, пра трагедыю масавага знішчэння мірных жыхароў Беларусі і краін Еўропы ў Трасцянцы. Выкарыстоўваючы дакументальныя матэрыялы і ўспаміны вязняў, размешчаныя ў кнігах віцебскага краязнаўца і пісьменніка Уладзіміра Падліпскага, у кнізе «Памяць. Віцебск», бібліятэкар расказала пра існаванне на тэрыторыі Віцебска 5 буйных лагераў смерці, у якіх загінула за гады вайны 76 тысяч ваеннапалонных і каля 62 тысяч мірных жыхароў.