Централизованная библиотечная система города Витебска

     Краязнаўчая вандроўка па кнізе нашага земляка «Зялёны лісток на планеце Зямля» адбылася да 85-годдзя з дня нараджэння знакамітага беларускага пісьменніка Янкі Сіпакова і ў межах Года народнага адзінства ў бібліятэцы імя Ул.Караткевіча 15 студзеня.

   У мерапрыемстве бралі ўдзел вучні 3-х класаў ДУА «Сярэдняя школа №11 г. Віцебска». Дзецям расказалі пра няпросты жыццёвы і слаўны творчы шлях пісьменніка, і разам з імі пагарталі старонкі самабытнай энцыклапедыі нашага краю і нашага жыцця, пранізанай пачуццём лірычнасці, замілаванасцю, любоўю да роднай зямлі.

     Вучні адкрылі для сябе многа новых цікавых фактаў пра нашу краіну, пра яе месца ў свеце, пра нашы багацці, нашу мову, пра нашых людзей і нашу прыроду. Дзеці, адказваючы на пытанні віктарыны пры дапамозе звестак, размешчаных у кнізе, саставілі партрэт Беларусі, невялікай і немаленькай, багатай на скарбы, упрыгожанай зелянінай лугоў і лясоў, сінімі вачамі-люстэркамі азёр і блакітнымі стужкамі рэк, адзінай на ўсіх беларусаў, непаўторнай і самай любімай.