Централизованная библиотечная система города Витебска

23 кастрычніка ў бібліятэцы імя Ул.Караткевіча прайшоў урок беларускага чытання "Наш род – як дуб, а карані ў даўнія сягаюць дні", у якім бралі ўдзел вучні 4 "В" класа ДУА "Сярэдняя школа №11 г. Віцебска".

Дзяцей пазнаёмілі з кнігай Уладзіміра Ліпскага "Усе мы – радня", у якую ўвайшла знакамітая аповесць пісьменніка "Я. Праўдзівы аповед пра мой і твой радавод". Яны паслухалі пра старажытны звычай крывічэй праводзіць для юнакоў іспыты на мужчынскую сталасць, атрымалі заданне паведаміць пра свой род да пятага калена і зрабіць малюнак генеалагічнага дрэва свайго роду. Школьнікі расказалі, як зарадзілася жыццё на зямлі, як з'явіўся чалавек, у якіх межах пачалі сяліцца беларусы, а таксама пра паходжанне населеных пунктаў, звяроў і птушак паводле беларускіх легендаў і паданняў "Адкуль пайшлі беларусы", "Адкуль беларуская песня", "Страцім-лебедзь", "Пра паходжанне бусла", "Адкуль чорныя буслы", "Мяжа", "Машэка", "Віцьба".