23 кастрычніка ў бібліятэцы імя Ул. Караткевіча вучні 3-х класаў ДУА "Сярэдняя школа №11 г. Віцебска" адправіліся ў віртуальны турыстычны тур "Между четырьмя морями и высоченными горами" у Кітай, самую загадкавую краіну на паўднёвым усходзе Еўразіі, з якой нас звязвае цеснае супрацоўніцтва і сяброўства, і якая сваімі абрысамі нагадвае вялізную птушку.

Дзеці пазнаёміліся з геаграфічным становішчам Кітая і з асаблівасцямі прыроды краіны. Ім расказалі пра адкрыцці вялікай кітайскай цывілізацыі, якія дазволілі людзям усяго свету авалодаць новымі ведамі, палепшыць якасць жыцця і спрасціць цяжкую працу. З цікавасцю дзеці слухалі пра цудоўныя куточкі краіны і пра яе адметнасці: Вялікую Кітайскую сцяну, "Тэракотавую армію", самы вялікі палацавы комплекс у свеце "Забаронены горад", Возера тысячы астравоў – Цяньдаоху і інш. Чытачам расказалі пра аднаго з самых рэдкіх і самых прыгожых жывёл на планеце вялікую панду, якая з'яўляецца нацыянальным сімвалам Кітая і папрасілі намаляваць гэтага пацешнага бамбукавага мядзведзя, што дзеці і зрабілі з вялікім задавальненнем.