У бібліятэцы імя Ул.Караткевіча з 6 жніўня працуе выстава работ Святланы Мішурнай, члена народнага клуба мастакоў «Контур» культурна-гістарычнага комплекса «Залатое кальцо горада Віцебска "Дзвіна"».

    Святлана Анатольеўна - цікавы прадстаўнік напрамку інсітнага мастацтва, яе работы экспанаваліся на міжнародных выставах па наіўнаму мастацтву «Фэстнаіў-2010» і «Фэстнаіў-2017» у Маскве, на Нацыянальных выставах наіўнага мастацтва «Insita-2012», прысвечаных 125-годдзю з дня нараджэння М.Шагала,  «Insita-2016», прысвечанай 120-годдзю з дня нараджэння Алены Кіш.

     На выставе прадстаўлены работы, напісаныя маслам і  змешанай тэхнікай. Гэта нацюрморты, пейзажы, партрэты, а таксама вершы і проза аўтара. Запрашаем наведаць выставу і жадаем прыемнага прагляду.

  Тэлефон для даведак: 37-02-77