29 ліпеня супрацоўнікі бібліятэкі імя Ул.Караткевіча запрасілі наведвальнікаў летняга лагера ДУА «Сярэдняя школа №5 г. Віцебска» прыняць удзел у эколага-пазнавальнай гадзіне «Адкрываем прыродныя таямніцы».

   Дзецям прадставілі навукова-пазнавальныя і мастацкія кнігі, часопісы, якія расказваюць пра з'явы прыроды, пра жывёл і раслін нашай планеты. Удзельнікі мерапрыемства атрымалі адказы на самыя розныя пытанні: чаму вясёлка мае сем колераў, чаму летам бывае град, як жывуць леў і ягуар, жырафа і тыгр, на каго палююць расліны-драпежнікі, чым сілкуюцца расліны-паразіты, і якія расліны дапамогуць, калі чалавек хварэе.