13 лютага ў бібліятэцы імя Ул.Караткевіча з удзелам вучняў 6«В» класа ДУА «Гімназія №9 г. Віцебска» прайшла гадзіна баявой славы «Подзвіг вялікі і вечны», прысвечаная 75–годдзю Вялікай Перамогі.

Шасцікласнікам расказалі пра пачатак вайны, пра гераічную абарону Брэсцкай крэпасці, пра карныя аперацыі фашыстаў па знішчэнню мірных жыхароў і ваеннапалонных, пра партызанскі і падпольны рух, арганізаваны на тэрыторыі Беларусі.

Асобная частка мерапрыемства была прысвечана аперацыі «Баграціён»: як распрацовываўся план, хто быў яго галоўным складальнікам, якія франты і партызанскія зоны ўдзельнічалі ў наступленні, як мужна і самаадданна змагаліся за свабоду беларускіх гарадоў савецкія воіны, як няпроста праходзіла Віцебска-Аршанская аперацыя, у ходзе якой і быў вызвалены наш родны горад.

Пры дапамозе мультымедыйнай прэзентацыі ўдзельнікам мерапрыемства нагадалі пра помнікі і мемарыяльныя кампазіцыі, якія берагуць памяць пра той ратны подзвіг.