7 лютага ў бібліятэцы імя Ул.Караткевіча прайшло сумесна з педагогамі ДУА «Віцебскі гарадскі цэнтр дадатковай адукацыі дзяцей і моладзі» комплекснае мерапрыемства – гадзіна тэхнічнай творчасці «Палёт фантазіі».

     Супрацоўнікі бібліятэкі прадставілі вучням 1-х класаў ДУА «Сярэдняя школа №11» энцыклапедычнае выданне «Самалёты і верталёты», расказалі і паказалі на малюнках, як выглядалі першыя паветраныя шары і дырыжаблі, махалёты і безматорныя планеры, першыя самалёты і самалёты-знішчальнікі, першыя лятаючыя лодкі, самалёты Вялікай Айчыннай вайны, сучасныя ваенныя і транспартныя самалёты, а таксама ваенна-транспартныя, пажарныя і паліцэйскія верталёты.

     Педагогі ДУА «Віцебскі гарадскі цэнтр дадатковай адукацыі дзяцей і моладзі» Яўгенія Кокарава і Яраслаў Сініца правялі для дзяцей майстар-класы. Дзяўчынкі працавалі над стварэннем з паперы паветраных змеяў, а хлопчыкі шчыравалі над вырабам з пенапалісцірола летальных апаратаў-планераў. Нягледзячы на складанасць мадэляў, кожны першакласнік, дзякуючы ўмеламу кіраўніцтву педагогаў цэнтра, справіўся з заданнямі і набыў каштоўны вопыт у галіне тэхнічнага мадэлявання і канструявання.