У першы дзень зімы, 1 снежня, супрацоўнікі бібліятэкі імя Ул.Караткевіча арганізавалі ў кінатэатры «Мір», дзе праходзіла прэм'ера мультыплікацыйнага фільма «Халоднае сэрца-2», выяздную выставу «Казкі чараўніцы Зімы».

     Чытачам і кінагледачам прадставілі кнігі з зімовымі вершамі і загадкамі з народнымі і аўтарскімі казкамі, у якіх дзеянне адбываецца пад Новы год, а таксама кнігі, у якіх расказваецца пра рэзідзенцыю беларускага Дзеда Мароза.

      Дзеці і дарослыя з задавальненнем знаёміліся з яркімі, маляўнічымі выданнямі, слухалі вершы і казачныя гісторыі, адказвалі на пытанні віктарыны «Замарочкі бабулі Зімы» пра самае чароўнае і любімае ўсімі свята, пра зімовыя з'явы ў прыродзе, пра героеў навагодніх гісторый: рускіх народных казак «Елачка» і «Снягурачка», казак Г.Х.Андэрсена «Снежная каралева», «Дзяўчынка з запалкамі», А.Гофмана «Шчаўкунчык», С.Маршака «12 месяцаў», У.Адоеўскага «Мароз Іванавіч» і інш.

     Асаблівую цікавасць у дзяцей выклікалі кнігі «Беларускі Дзед Мароз», «Маёнтак беларускага Дзеда Мароза» і В.Семакова, М.Бабізы «Дзед Мароз і яго радня».