21 лістапада ў бібліятэцы імя Ул.Караткевіча для вучняў 8 «А» класа ДУА «Гімназія №9» прайшла літаратурная гадзіна-партрэт «Уся краіна можа ганарыцца славутым нашым земляком».

     Васьмікласнікам расказалі пра дзіцячыя гады Ул.Караткевіча, частка якіх выпала на перыяд ваеннага ліхалецця, пра асяроддзе, якое спрыяла фарміраванню асобы будучага пісьменніка, пра пачатак літаратурнай дзейнасці, пра першы выдадзены зборнік вершаў «Матчына душа», і гісторыю напісання аповесці «Дзікае паляванне караля Стаха», раманаў «Чорны замак Альшанскі» і «Каласы пад сярпом тваім», у якіх падняты шырокія пласты нацыянальнай гісторыі, перададзены дух мінуўшчыны.

    Вучняў зацікавіла драматургія Ул.Караткевіча, асабліва п'есы, якія былі пастаўлены і ідуць на падмостках віцебскіх тэатраў, а таксама кінафільмы на сюжэты яго твораў. Апошняя старонка літаратурнай гадзіны была прысвечана ўшанаванню памяці пісьменніка на яго радзіме ў Оршы і ў Віцебску. Старшакласнікі пазнаёміліся з выданнямі пісьменніка, матэрыяламі пра яго жыццё і творчасць, буклетнай прадукцыяй, а таксама з паштоўкамі, на якіх размешчаны вершы і фотаздымкі паэта.