Централизованная библиотечная система города Витебска

     20 лістапада ў бібліятэцы імя Ул.Караткевіча для вучняў 2-х класаў ДУА «Сярэдняя школа №28» прайшла пазнавальная гадзіна «Жывёльны свет: адных любім, другіх асцерагаемся», якая была прысвечана кітам, дэльфінам і змеям.

     З кніг Галіны і Сяргея Трафімавых серыі «Расказы дзеда Прыродаведа» дзеці даведаліся, чаму на Русі ядавітых змей сталі называць гадзюкамі, што дазваляе гадзюцы з Цэнтральнай Амерыкі падскокваць на цэлы метр у вышыню, а змеям рода хрызапелеа лётаць уніз з вышыні 20 метраў і удала прызямляцца, а таксама якім чынам дэльфіны эканомяць энергію і павялічваюць скорасць руха.

     Вучням прадставілі новую кнігу Сціва Паркера «Кіты і дельфіны», якая пазнаёміла іх з дзівосным светам кітападобных. Дзеці даведаліся, як дельфіны выкарыстоўваюць эхалакацыю, чаму гарбатыя кіты спяваюць песні і для чаго ім патрэбен кітовы вус. Прысутныя паглядзелі ўрыўкі з дакументальных фільмаў «Акіяны», «Насельнікі акіянаў» і «Прырода».