2 і 4 лістапада ў бібліятэцы імя Ул. Караткевіча наведвальнікі школьных лагераў ДУА «Сярэдняя школа №28 г. Віцебска» і ДУА «Гімназія №3 г. Віцебска імя А. Пушкіна» адправіліся ў віртуальнае падарожжа «Пад небам Паднябеснай».

    Дзеці пазнаёміліся з геаграфічным становішчам Кітая і з асаблівасцямі прыроды краіны. Чытачам расказалі пра адкрыцці вялікай кітайскай цывілізацыі, якія дазволілі людзям усяго свету авалодаць новымі ведамі, палепшыць якасць жыцця і спрасціць цяжкую працу.

  Школьнікі з цікавасцю слухалі пра цудоўныя куточкі краіны і пра яе адметнасці: Вялікую Кітайскую сцяну, «Тэракотавую армію», самы вялікі палацавы комплекс у свеце «Забаронены горад», Возера тысячы астравоў – Цяньдаоху і інш. Дзецям расказалі пра аднаго з самых рэдкіх і самых прыгожых жывёл на планеце – вялікую панду, якая з'яўляецца нацыянальным сімвалам Кітая і папрасілі намаляваць гэтага забаўнага бамбукавага мядзведзя, што яны і зрабілі з вялікім задавальненнем.