Беларускія і рускія народныя казкі выхавалі не адно пакаленне дзяцей, таму што заўсёды вылучаліся не толькі цікавым, але і павучальным зместам.

  15 кастрычніка ў бібліятэцы імя Ул.Караткевіча для вучняў 2«Б» класа ДУА «Сярэдняя школа №11» прайшла фальклорная гадзіна «Мудрасць народа ў казках жыве».

      Дзецям растлумачылі, чаму казкі называюцца народнымі, пералічылі асноўныя групы такіх твораў: чароўныя, пра жывёл і бытавыя. Школьнікі актыўна прымалі ўдзел у мерапрыемстве: пераказвалі сюжэты, давалі характарыстыку галоўным героям, карыстаючыся пры гэтым экспанатамі выставы «Лялькі ў казку запрашаюць», спрабавалі сфармуляваць мараль кожнай чароўнай гісторыі і зразумець мудры наказ нашчадкам, закладзены нашымі продкамі ў творах вуснай народнай творчасці: любіць сваю зямлю, родную хату, сям'ю, быць кемлівымі і мужнымі, працавітымі і спагадлівымі, рабіць дабро і дапамагаць людзям.