Централизованная библиотечная система города Витебска

23 верасня ў бібліятэцы імя Ул. Караткевіча прайшло першае ў гэтым навучальным годзе пасяджэнне гуртка "Бусляня". Дзеці сталі ўдзельнікамі гадзіны мастацтва "Ты малюеш, восень, казку залатым сваім пяром".

Іх пазнаёмілі з кнігамі па мастацтву, а таксама паказалі карціны знакамітых пейзажыстаў: І. Левітана, І. Астравухава, В. Паленава ("Залатая восень"), В. Бялыніцкага–Бірулі ("Альтанка ў парку" і "Прыгорскі парк"). Увагу гурткоўцаў звярнулі на тое, што майстры жывапісу выбралі адну тэму, а некаторыя і адну і тую ж назву, але карціны ва ўсіх атрымаліся розныя, таму што ў кожнага мастака свой каларыт, свой стыль і сваё бачанне велічы і прыгажосці восеньскай пары. Лірычны настрой на мерапрыемстве стварылі вершы пра чараўніцу-восень вядомых беларускіх і рускіх аўтараў: Уладзіміра Караткевіча, Якуба Коласа, Фёдара Цютчава, Аляксандра Пушкіна, якія прагучалі ў выкананні дзяцей.
На практычнай часцы занятка дзеці пры дапамозе засушаных кветак і лісцяў, жоўтых, зялёных, бардовых, на каляровым кардоне састаўлялі свае кампазіцыі, у выніку ў кожнага атрымалася асабістае прыгожае пано, якое зберажэ надоўга фарбы і хараство аднаго з самага яркага і паэтычнага часу года.