Централизованная библиотечная система города Витебска

     23 мая для вучняў 1-х класаў ДУА «Гімназія №3 г. Віцебска імя А.С.Пушкіна» прайшла літаратурная гадзіна «Мой родны кут – сапраўдны цуд!».

    Супрацоўнік бібліятэкі імя Ул.Караткевіча нагадала дзецям пра прыродныя скарбы роднай зямлі і пра тое, што робіцца ў краіне для іх захавання і памнажэння: знікаючыя віды фаўны і флоры заносяцца ў Чырвоную кнігу, ствараюцца Нацыянальныя паркі, запаведнікі, заказнікі, помнікі прыроды. Лірычная старонка мерапрыемства расказала пра непаўторную прыгажосць лясоў і лугоў, рэчак і азёр Беларусі. Кожнае з пералічанага – сапраўдная таямніца або, як яшчэ кажуць, непрачытаная кніга. Колькі яе не чытай – яна кожны раз адкрывае нам нешта новае, да гэтага нязведанае. Бібліятэкар разам з дзецьмі «раскрывала» цудоўныя таямніцы прыроды пры дапамозе вершаў і песень, загадак і цікавых фактаў.