26 лістапада прыхільнікі творчасці Ул. Караткевіча па традыцыі сабраліся ў бібліятэцы, якая носіць яго імя на ўрачыстую вечарыну “Пад ветразем святла і духоўнасці”, прысвечаную 82 гадавіне з дня нараджння Ул. Караткевіча і 35-годдзю з дня заснавання бібліятэкі. На вечарыне гучалі вершы паэта, прадстаўлена лірычная кампазіцыя па паэме Уладзіміра Караткевіча “Радзіма”, падрыхтаваная вучнямі СШ № 28 пад кіраўніцтвам настаўніцы рускай мовы і літаратуры З. В. Таранеўскай.

Са святам прысутных віталі члены Віцебскага абласнога аддзялення ГА “Саюз пісьменнікаў Беларусі” Т. І. Краснова-Гусачэнка і Б. П. Беляжэнка.

На ўрачыстасці гучалі песні Віцебскага кампазітара, даўняга сябра бібліятэкі, Н. Ю. Несцярэнка, сапраўдным упрыгожаннем свята стала выступленне ўзорнага калектыву “Перапёлачка” гімназіі № 3 імя А. Пушкіна, мастацкі кіраўнік Х. Л. Шэвелева.

Бібліятэку віталі: старшыня Віцебскага абласнога прафсаюзнага камітэта работнікаў культуры А. А. Сабірава, метадыст Віцебскага абласнога інстытута развіцця адукацыі А. В. Бабіч, навучэнцы і бібліятэкары СШ № 11 і № 13.

Напрыканцы ўрачыстасці выступіла дырэктар ЦБС г. Віцебска Г. Г. Данілава, якая ўручыла бібліятэцы віншавальны адрас і падарунак ад супрацоўнікаў бібліятэк горада.