Централизованная библиотечная система города Витебска

       23 студзеня ў старшай групе ДУА «Яслі-сад №95 г. Віцебска» супрацоўнікі бібліятэкі імя Ул. Караткевіча правялі гадзіну добрых парад "Бяспечныя паводзіны на прыродзе".

    Дзеці расказалі, як яны бавяць свой вольны час на свежым паветры ўлетку, вясной, зімой і восенню, а бібліятэкар напомніў пра правілы паводзін на вадзе і на адкрытым сонцы, на катку і на горцы, у лесе (пажарная бяспека, ядавітыя ягады і грыбы), пры навальніцы, а таксама пра тое, як можна пазбегнуць небяспечных сітуацый. Напрыканцы размовы хлопчыкі і дзяўчынкі пазнаёміліся з цікавымі кнігамі і часопісамі па тэматыцы гадзіны.