5, 6, 7 сакавіка ў бібліятэцы імя Ул. Караткевіча для вучняў 4-х класаў ДУА "Сярэдняя школа №11 г. Віцебска" прайшлі ранішнікі "Збіраемся на баль", з нагоды самага добрага і светлага вясенняга свята – Міжнароднага жаночага дня.
Свята пачалося з вясёлых віншаванняў хлопчыкаў у адрас аднакласніц і запрашэння іх на баль. Спачатку дзяўчынкі, як тыя Папялушкі, павінны былі выканаць розныя хатнія абавязкі, затым хлопчыкі-стылісты папрацавалі над іх вобразамі, а потым на бале ўсіх чакалі розныя цікавыя забаўляльныя гульні: "Фанты", "Музычная карусель", "Зняць зорачку з неба", "Намаляваць партрэт ідэальнай пары" і інш.
Напрыканцы святочнай праграмы хлопчыкі паказалі сябе галантнымі кавалерамі і ўрычылі сваім дамам папяровыя цюльпаны, зробленыя ў тэхніцы арыгамі.